saray taksi hyzmaty
- Kategoriýa Hyzmatlar
Täze ýola goýlan hyzmatyň üsti bilen müşderiler günüň islendik wagty öz salgysyna taksi we beýleki görnüşdäki dürli ulaglary sargyt edip bilerler. Munuň üçin «Saraý» ykjam goşundysyndaky «Taksi hyzmaty» ulgamyna girip, kartada nirä gitmelidigini «Gözleg» arkaly tapyp, «Dowam et» düwmä basmaly. Soňra hyzmatyň hödürleýän ulag görnüşini saýlamaly we «Sargyt et» düwmesine basmaly. Ýeri gelende, müşderi diňe bir ýeňil awtomobil sargyt edip bilmän, ulaglaryň dürli görnüşlerini — awtobuslary, kiçi awtobuslary, ýük, gurluşyk we oba-hojalyk ulaglary we beýlekileri sargyt edip bilýändigini bellemelidiris. «Taksi hyzmaty» müşderiň sargydyny başyndan soňuna çenli onlaýn şertlerde gözegçilik etmäge mümkinçilik berýär. Bu hyzmatlar ýerine ýetirilende bildirilýän talaplara laýyk gelýän döwrebap awtoulaglar ulanylýar. Sürüjiler üçin mümkinçilik Täze hyzmatda «Sürüji bolmak» bölüminiň bardygyny-da aýratyn bellemelidiris. Ondan Türkmenistanda hereket edýän kanunçylyga laýyklykda ulagy dolandyrmak we ýük daşamak üçin gerekli resminamalary bolan sürüjiler peýdalanyp bilerler. Ulagy bolan raýat degişli anketany doldurmak arkaly «Saraý» ykjam goşundysy bilen hyzmatdaş bolup bilýändigini ýatlatmalydyrys. Bu mümkinçilikden peýdalanmak isleýän sürüjiler «Sürüji bolmak» bölümine girip, degişli maglumatlary doldurmak ýeterlikdir. «Saraý» ykjam goşundysy dürli görnüşdäki awtoulag serişdeleriniň eýelerini hyzmatdaşlyga çagyrýar. Goşmaça maglumatlar üçin +993 64 01-25-55 ýa-da +993 65 86-82-22 telefon belgilerine jaň edip bilersiňiz.
